16.05.2025
Жүзуден Қазақстан рекорды жаңарды
Азамат Бақи
Фото: Ұлттық олимпиадалық комитет
Жүзуден ұлттық құрама көшбасшысы Әділбек Мусин Талдықорғанда өткен Қазақстан чемпионатында екі алтын медаль жеңіп алды, деп хабарлайды Sport12.kz.
Ол 50 және 100 метрге баттерфляй әдісімен жүзуде қарсылас шақ келтірмеді.
Ерекше атап өтерлігі, 50 метрге баттерфляй әдісімен жүзуде Мусин Қазақстан рекордын жаңартты. Әділбек бұл қашықтықты небәрі 23,36 секундта бағындырып, өзіне тиесілі алдыңғы үздік нәтижені (23,40 секунд) жаңартты.
Осылайша, Әділбек Мусин ел чемпионатында қос алтын мен жаңа рекордтың иесі атанды.
