7 сағат бұрын
Қазақстан құрамасы көркем гимнастикадан Азия чемпионы атанды
Сингапурда көркем гимнастикадан өтіп жатқан Азия чемпионатында Қазақстан құрамасы алғаш рет топтық жаттығудан көпсайыста чемпион атанды, деп хабарлайды Sport12.kz.
Спортты дамыту дирекциясының хабарлауынша, қазақстандық спортшылар 48,45 ұпаймен тарихи жетістікті тіркеді. Бұған дейін отандық гимнасттар Азия чемпионаттарында жүлде алғанымен, құрлық додасында Қазақстан командасы көпсайыс қорытындысы бойынша тұғырға шықпаған.
Бұл бағдарламада ел намысын Жасмин Жүнісбаева, Айзере Кеңес, Мадина Мырзабай, Аида Хәкімжанова, Кристина Чепульская, Айзере Нұрмағамбетова қорғады. Ал ертең отандастарымыз финалда сынға түсетін болады.
