06.08.2024
Демеу Жадыраев Париж Олимпиадасының финалына шықты
фото Турар Казангапов
Грек-рим күресінен қазақстандық балуан Демеу Жадыраев Париж Олимпиадасында финалда жолдама алды, деп хабарлайды sport12kz.
Жартылай финалда қазақ спортшысы рейтингте екінші орында тұрған әзірбайжандық Санан Сулеймановпен кездесті.
34 жастағы Жадыраев әлем чемпионатының күміс жүлдегерін 6:1 есебімен сенімді ұтты.
Финалда рейтингтің алтыншы орынына жайғасқан жерлесіміз жапониялық Нао Кусакамен белдеседі. Финал ертең, 7 тамызға жоспарланған.
Айта кетейік, Демеу ширек финалда фаворит саналған қырғызстандық Ақжол Махмудовты жарыс жолынан шығарса, 1/8 финалда колумбиялық Хаир Алексис Куэро Муньосты сенімді жеңген болатын.
