2 күн бұрын
Алтыншы турдың ең үздік голы анықталды
Азамат Бақи
Фото: instagram / oral_ramazzan
QJ League лигасының алтыншы турдағы ең үздік голы белгілі болды, деп хабарлайды Sport12.kz.
18 жасқа дейінгі футболшылар соққан голдардың ішінен жанкүйерлер ең әсерлісін таңдады.
Үздік гол лиганың ресми Telegram-арнасында онлайн дауыс беру арқылы анықталды. Жалпы сауалнамаға 3763 адам қатысты. Нәтижесінде 1745 дауыс жинаған «Шахтер» клубының шабуылшысы Рамазан Оралдың «Каспий» (9:1) қақпасына соққан добы үздік деп танылды.
- Рамазан Орал («Шахтер») – 46% (1745 дауыс)
- Аламгир Смақов («Қайрат») – 41% (1537 дауыс)
- Ермұхаммед Бесенғалиев («Астана») – 5% (202 дауыс)
- Владимир Дубинин («Тобыл») – 4% (141 дауыс)
- Әбілмансұр Қасымтай («Жас Қыран») – 4% (138 дауыс)
Голдардың видеосын мына сілтеме арқылы көре аласыз.
Ал жалпы алтыншы турда болған алты ойында, жанкүйерлер 27 голдың куәсі болды. Өткен ойын аптасының нәтижесі төмендегідей:
- «Каспий» – «Шахтер» – 1:9
- «Қайсар» – «Атырау» – 1:4
- «Ақтөбе» – «Жас Қыран» – 0:1
- «Тараз» – «Ордабасы» – 1:0
- «Қайрат» – «Тобыл» – 6:1
- «Ертіс» – «Астана» – 1:2
Айта кетейік, турнир кестесінде 6 ойынның барлығында жеңіске жеткен алматылық «Қайрат» 18 ұпаймен көш бастап тұр.
