Freedom QJ League: Сәуір айының ең үздік голы анықталды

QJ League лигасының сәуір айындағы ең үздік голы белгілі болды, деп хабарлайды Sport12.kz.

16 жасқа дейінгі футболшылар соққан голдардың ішінен жанкүйерлер ең әсерлісін таңдады.

Үздік гол лиганың ресми Telegram-арнасында онлайн дауыс беру арқылы анықталды. Жалпы сауалнамаға 7393 адам қатысты. Нәтижесінде 2608 дауыс жинаған «Ордабасы» клубының шабуылшысы Бекасыл Қанаттың «Қайсар» (2:2) қақпасына соққан добы үздік деп танылды.

1. Бекасыл Қанат («Ордабасы») – 2608 дауыс
2. Ерсұлтан Біртай («Қайсар») – 2175
3. Альберт Сидихов («Атырау») – 1287
4. Асылбек Илхамов («Ордабасы») – 582
5. Тамерлан Сарсымбаев («Қайрат») – 282
6. Ануар Төленді («Астана») – 136
7. Мұхаммед Сүлеймен («Каспий») – 127
8. Артём Лящук («Ертіс») – 125
9. Тимур Казанцев («Ертіс») – 47
10. Ислам Юрий («Ертіс») – 24

Голдардың видеосын мына сілтеме арқылы көре аласыз.

Айта кетейік, турнир кестесінде 6 ойында төрт рет жеңіске жетіп, екі мәрте тең нәтиже тіркеген алматылық «Қайрат» 14 ұпаймен көш бастап тұр.