Александр Шевченко «Ролан Гаррос» турниріндегі жорығын аяқтады

Қазақстандық теннисші Александр Шевченко Франция астанасы Парижде өтіп жатқан «Ролан Гаррос» турнирінің үшінші айналымына шыға алмады, деп хабарлайды Sport12.kz.

Жарыстың 1/32 финалында Шевченко (АТР: 103) америкалық Итан Куиннге (АТР: 106) жол берді.

Грунт төсенішіндегі кортта өткен кездесу 4 сағат 18 минутқа ұласты. Осы уақыт ішінде Шевченко 11 эйс пен 4 брейк жасап, 2 мәрте қос қателікке бой алдырды. Нәтижесінде отандасымыз қарсыласына 2:3 (4:6, 6:4, 7:6, 6:7, 5:7) есебімен есе жіберді.

Айта кетейік, «Ролан Гаррос» турнирінің жалпы жүлде қоры 56 352 млн еуроны құрайды. Ал Шевченко екінші айналымға дейін жеткені үшін 117 000 еуро сыйақыны қанжығасына байлады.