2 күн бұрын
Юлия Путинцева «Ролан Гаррос» турнирінде жеңіліс тапты
Азамат Бақи
Фото: Julian Finnеy / Getty Images
Қазақстанның екінші ракеткасы Юлия Путинцева Франция астанасы Парижде өтіп жатқан «Ролан Гаррос» турниріндегі жорығын аяқтады, деп хабарлайды Sport12.kz.
Жарыстың 1/16 финалында Путинцева (WTA: 31) ресейлік Мирра Андрееваға (WTA: 6) жол берді.
Грунт төсенішіндегі кортта өткен кездесу 1 сағат 18 минутқа ұласты. Осы уақыт ішінде Путинцева 0 эйс пен 1 брейк жасап, 1 мәрте қос қателікке бой алдырды. Нәтижесінде отандасымыз қарсыласына 0:2 (3:6, 1:6) есебімен есе жіберді.
Айта кетейік, «Ролан Гаррос» турнирінің жалпы жүлде қоры 56 352 млн еуроны құрайды. Ал Путинцева үшінші айналымға дейін жеткені үшін 168 000 еуро сыйақыға ие болды.
