2 күн бұрын
Елена Рыбакина «Ролан Гаррос» турниріндегі жорығын аяқтады
Азамат Бақи
Фото: Robert Prange / Getty Images
Қазақстанның бірінші ракеткасы Елена Рыбакина Франция астанасы Парижде өтіп жатқан «Ролан Гаррос» турнирінде жеңіліс тапты, деп хабарлайды Sport12.kz.
Жарыстың 1/8 финалында Рыбакина (WTA: 12) доданың былтырғы чемпионы польшалық Ига Швентекке (WTA: 5) жол берді.
Грунт төсенішіндегі кортта өткен кездесу 2 сағат 30 минутқа созылды. Осы уақыт ішінде Рыбакина 3 эйс пен 4 брейк жасап, 3 мәрте қос қателікке бой алдырды. Нәтижесінде отандасымыз қарсыласына 1:2 (6:1, 3:6, 5:7) есебімен жол берді
Айта кетейік, «Ролан Гаррос» турнирінің жалпы жүлде қоры 56 352 млн еуроны құрайды. Ал Рыбакина төртінші айналымға дейін жеткені үшін 168 000 еуро сыйақыны қанжығасына байлады.
