Александр Бублик «Ролан Гаррос» турнирінде үлкен сенсация жасады

Қазақстанның бірінші ракеткасы Александр Бублик Франция астанасы Парижде өтіп жатқан «Ролан Гаррос» турнирінің бесінші айналымына шықты, деп хабарлайды Sport12.kz.

Жарыстың 1/8 финалында Бублик (АТР: 62) британиялық Джек Дрейперді (АТР: 5) тізе бүктірді.

Грунт төсенішіндегі кортта өткен кездесу 2 сағат 36 минутқа созылды. Осы уақыт ішінде Бублик 7 эйс пен 5 брейк жасап, 5 мәрте қос қателікке бой алдырды. Нәтижесінде отандасымыз қарсыласынан 3:1 (5:7, 6:3, 6:2, 6:4) есебімен басым түсті.

Енді еліміздің үздік теннисшісі келесі кезеңде италиялық Янник Синнер (АТР: 1) мен ресейлік Андрей Рублёв (АТР: 15) арасында өтетін матчтың жеңімпазымен кездеседі.

Айта кетейік, «Ролан Гаррос» турнирінің жалпы жүлде қоры 56 352 млн еуроны құрайды. Ал Бублик бесінші айналымға жолдама алғаны үшін 440 000 еуро сыйақыға ие болды.