Қазақстандық теннисші Германияда сенсация жасады

Қазақстандық теннисші Денис Евсеев Германияның Хайльбронн қаласында өтіп жатқан ATP Challenger 100 турнирін сәтті бастады, деп хабарлайды Sport12.kz.

Жарыстың 1/16 финалында Евсеев (АТР: 275) испаниялық Пабло Карреньо-Бустаны (ATP: 99) тізе бүктірді.

Грунт төсенішінде өткен қос теннисші арасындағы кездесу 1 сағат 50 минутқа созылды. Осы уақыт ішінде Евсеев 6 эйс пен 4 брейк жасап, қос қателіккке еш бой алдырмады. Нәтижесінде отандасымыз қарсыласынан 2:0 (7:5, 7:5) есебімен басым түсті.

Енді Евсеев келесі кезеңде жерлесіміз Тимофей Скатовты қапы қалдырған канадалық Игнасио Бусемен (АТР: 192) шеберлік байқасады.

Айта кетейік, дүбірлі доданың жалпы жүлде қоры 145 250 еуроны құрайды.