«Ролан Гаррос» турнирінің барлық финалисі анықталды

Франция астанасы Парижде өтіп жатқан теннистен «Ролан Гаррос» турнирінің барлық финалисі белгілі болды, деп хабарлайды Sport12.kz.

Ерлер арасындағы финал италиялық Янник Синнер (1) мен испаниялық Карлос Алькарас (2) арасында өтеді. Жартылай финалда Синнер сербиялық Новак Джоковичтен (6) басым түссе, Алькарас италиялық Лоренцо Музеттиді (7) жарыс жолынан шығарып жіберді. Финал 8 маусымға жоспарланған.

Ал әйелдер арасында чемпиондықты Беларусь өкілі Арина Соболенко (1) мен америкалық Коко Гауфф (2) сарапқа салады. Соболенко жартылай финалда польшалық Ига Швентекті (5) тізе бүктірсе, Гауфф франциялық Луи Боиссонды (361) қапы қалдырды. Ақтық кездесу 7 маусымға белгіленген.

Айта кетейік, Франция ашық біріншілігі 8 маусымға дейін жалғасады. Дүбірлі доданың жалпы жүлде қоры 56 352 млн еуроны құрайды. Турнир жеңімпазы 2 550 000 еуроға ие болады.