Коко Гауфф «Ролан Гаррос» турнирінде топ жарды

Францияның Париж қаласында өтіп жатқан «Ролан Гаррос» турнирінде әйелдер арасында әлемнің екінші ракеткасы америкалық Коко Гауфф топ жарды, деп хабарлайды Sport12.kz.

Финалда Гауфф әлемнің бірінші ракеткасы Беларусь өкілі Арина Соболенконы тізе бүктірді.

Грунт төсенішіндегі кортта өткен кездесу 2 сағат 40 минутқа созылды. Осы уақыт ішінде Соболенко 2 эйс пен 6 брейк жасаса Гауфф оған 3 эйс және 9 брейкпен жауап қатты. Нәтижесінде 21 жастағы Коко 2:1 (6:7, 6:2, 6:4) есебімен жеңіске жетті.

Бұл Гауффтың мансабында жеңген WTA санатындағы 9-титулы. Ал «Үлкен дулыға» турнирлерінде АҚШ-тың үздік теннисшісі екінші рет жеңіс тұғырына көтерілді.

Айта кетейік, «Ролан Гаррос» турнирінің жалпы жүлде қоры 56 352 млн еуроны құрайды. Ал Гауфф доданың чемпионы атанғаны үшін 2 550 000 еуро сыйақыға ие болды.