Бессеттік триллердегі камбэк: Карлос Алькарас «Ролан Гаррос» чемпионы атанды

Әлемнің екінші ракеткасы, испаниялық Карлос Алькарас Франция астанасы Парижде өткен «Ролан Гаррос» турнирінде топ жарды, деп хабарлайды Sport12.kz.

Жарыстың ақтық матчында Алькарас әлемнің бірінші ракеткасы, италиялық Янник Синнерді тізе бүктірді.

Қос теннисші арасында өткен финал драмаға ұласты. Алғашқы екі сетте Синнер 6:4, 7:6 есебімен жеңіске жетті. Үшінші және төртінші партияны Алькарас өз пайдасына жазды – 6:4, 7:6. Ал тай-брейкке жалғасқан чемпиондық кезеңде Испанияның үздік теннисшісі 7:6 есебімен жеңіске жетті. Грунт төсенішіндегі кортта өткен кездесу 5 сағат 32 минутқа созылды.

Осылайша, Алькарас аталған додадағы чемпиондық атағын қорғап қалды. Одан бөлек, бұл – 22 жастағы ракетка шеберінің мансабында жеңген бесінші «Үлкен дулыға» турнирі болып тіркелді.

Айта кетейік, «Ролан Гаррос» турнирінің жалпы жүлде қоры 56 352 млн еуроны құрайды. Ал Алькарас чемпион атанғаны үшін 2 550 000 еуро сыйақыға ие болды.