Қазақстандық теннисші ATP рейтингінде жоғарылады

Францияда өткен «Ролан Гаррос» турнирінен кейін ATP рейтингі жаңартылды, деп хабарлайды Sport12.kz. 

Қазақстандық теннисші Александр Бублик өзінің мансабында алғаш рет «Үлкен дулыға» турнирінің ширек финалына жеткен болатын. Аталған турнирден кейін отандасымыз ATP рейтингінде бірден 19 орынға көтерілді. Ол Францияда өткен додада 350 ұпай жинады және қазір 1265 ұпаймен 43-ші орында.

Турнир басталар алдында Александр 62-орында тұрған болатын. Бұл — оның мансабындағы ең ірі рейтингтік серпілістердің бірі. Айта кетейік, Бубликтің ATP рейтингіндегі ең жоғары көрсеткіші — 17-орын.

Айта кетейік, итальяндық Янник Синнер көшбасшы болып қала береді. Екінші орында «Ролан Гарросты» жеңіп алған испандық Карлос Алкарас, үшінші орында неміс Александр Зверев тұр. Сербиялық Новак Джокович топ-5-ке оралды.