21 сағат бұрын
Аустриядағы турнирде Александр Бублик жартылай финалға шықты
Фото: Қазақстан теннис федерациясы
Қазақстанның бірінші, әлемнің 30-ракеткасы Александр Бублик Кицбюэль (Аустрия) ATP 250 турнирінің жартылай финалына жолдама алды, деп хабарлайды Sport12.kz.
Қазақстан теннис федерациясының хабарлауынша, жарыстың 1-ракеткасы болып тіркелген қазақстандық теннисші ширек финалда отандасы, әлемдік рейтингіде 110-орында тұрған Александр Шевченкомен жолықты. Бублик қарсыласын 6:4, 6:2 есебімен ұтты.
Жүлде қоры 596 035 еуроға бағаланған доданың финалына шығу үшін Бублик әлемнің 103-ракеткасы, нидерландылық Ботик ван де Зандсхулпен кездеседі.
