Елена Рыбакина азиялық теннис тарихын қайта жазды

Қазақстандық теннис жұлдызы Елена Рыбакина тағы да әлемдік теннис тарихында өз есімін қалдырды. Ол 2003 жылдан бері топтық формат қайта енгізілгеннен кейін WTA қорытынды турниріне қатарынан үш рет жолдама алған Азиядағы тек екінші спортшы атанды.

Бұған дейін мұндай нәтижеге тек қытайлық теннистің аңызы Ли На қол жеткізген еді — ол 2011–2013 жылдары үздік сегіздікке тұрақты түрде іріктеліп отырған.

Енді Рыбакина кезекті маңызды сынаққа дайындалуда. Қазіргі уақытта ол Токиода өтіп жатқан WTA 500 санатындағы турнирдің жартылай финалына шықты. Бұл кезеңде қазақстандық теннисші әлемнің 17-ракеткасы, чехиялық Линда Носковамен кездеседі.

Бұл матч Рыбакина үшін маусымның басты додасы — 1–8 қараша аралығында Эр-Риядта өтетін WTA қорытынды турнирі алдындағы тамаша дайындық болмақ.

Еске сала кетсек, Елена Рыбакина биыл маусым ішінде бірнеше беделді турнирлерде финал мен жартылай финалдарға дейін жетіп, әлемдік рейтингте үздік жетілікке тұрақты түрде еніп келеді.

Біздің серіктес: 200 000 фрибетті ұтысқа саламыз – арнаға жазыл және батырманы бас