Александр Бублик әлемдік рейтингте тарихи көрсеткішке жетті

Кәсіби теннисшілер қауымдастығы (ATP) ерлер арасындағы жекелей сынның жаңартылған рейтингін жариялады.

Жаңартылған тізім бойынша әлемнің бірінші ракеткасы атағын Карлос Алькарас қайта иеленді. Испаниялық теннисші 11 050 ұпай жинап, көш басына шықты. Одан кейін 10 000 ұпаймен италиялық Янник Синнер екінші орында. Үздік үштікті неміс Александр Зверев (4960 ұпай) түйіндеді.

Төртінші орынға серб Новак Джокович көтерілсе, америкалық Бен Шелтон үздік бестікті қорытындылады.

Қазақстандық теннисші Александр Бублик мансабындағы ең жоғары нәтижесіне жетіп, ATP рейтингінде 11-орынға көтерілді. Ол ресейлік Даниил Медведевті (13-орын) артта қалдырды.

Ресейлік теннисшілер арасында Андрей Рублёв 16-орында, ал Карен Хачанов 18-орынға түсіп қалды.

Бұл — Бублик үшін тарихи жетістік. Ол алғаш рет үздік ондыққа жақындап, өз мансабындағы ең жоғары көрсеткішін жаңартты.

Біздің серіктес: «Ойна, болжа, қатыс!»