Елена Рыбакина жартылай финал алдында мәлімдеме жасады

Әлемнің бесінші ракеткасы, қазақстандық теннисші Елена Рыбакина 2026 жылғы Australian Open турнирінің жартылай финалында америкалық Джессика Пегулаға қарсы өтетін алдағы матч туралы пікірін білдірді, деп хабарлайды Sport12.kz

«Мен үшін ең маңыздысы - өз соққыма назар аудару. Егер ол жақсы жұмыс істесе, бұл үлкен артықшылық береді. Ұпайлар барысында агрессивті болу керек. Кімнің жеңетіні матч барысында белгілі болады. Джессика өте тәжірибелі қарсылас. Алаңда жақсы қозғалады және төмен ұшатын доптарды жақсы жібереді. Сондықтан онымен ойнау оңай емес. Бейімделуге тырысамын. Командамен бірге талқылап, матчқа арналған жоспар құрамыз. Бар күшімді салып, өз мүмкіндігімнің ең жоғары деңгейін көрсетуге тырысамын», — деді Рыбакина баспасөз мәслихатында.

Айта кетейік, Елена Рыбакина бүгін ширек финалда әлемнің екінші нөмірлі теннисшісі Ига Швентекті (Польша) жеңіп кетті.

Біздің серіктес: Бізге тіркел!