Ел президенті Елена Рыбакинаның жеңісіне назар аударды

Теннистен Аустралияда өтіп жатқан Australian Open бәсекесінде жеңіске жеткен Елена Рыбакинаны ел президенті Қасым-Жомарт Тоқаев құттықтады, деп хабарлайды Sport12.kz

"Қымбатты Елена!

Сізді спорттағы кезекті тамаша жетістігіңізбен – теннистен Австралия ашық чемпионатындағы керемет, айқын жеңісіңізбен шын жүректен құттықтаймын!

Сіз жеңіске деген ерік-жігеріңіз бен мінсіз шеберлігіңізді тағы да дәлелдедіңіз, бұған бүкіл әлемнің теннис қауымдастығы сүйсіне қарады.

Алдағы уақытта да ең беделді турнирлерде жеңіске жете беруіңізге тілектеспін!", - делінген хабарламада.

Айта кетейік, Елена Рыбакинаның жеңісі оған «Үлкен дулыға» турнирлеріндегі екінші титулын алып келді. 2022 жылы Елена Уимблдон турнирінде жеңіске жеткен болатын.

Біздің серіктес: Бізге тіркел!