Қазақстан теннисшісі АҚШ-та финал жолдамасына таласады

Қазақстандық теннисші Соня Жиенбаева (WTA рейтингінде 1018-орын) жұптық сында АҚШ-та өтіп жатқан ITF W35 турнирінде сәтті өнер көрсетіп жатыр. Аркадия қаласында (Калифорния) ұйымдастырылған додада ол америкалық Саванна Бродуспен бірге жартылай финалға жолдама алды.

Ширек финалда қазақстандық-америкалық дуэт америкалықтар Алана Смит — Акаша Урхобо жұбын 6:4, 6:4 есебімен жеңді. Кездесу 1 сағат 24 минутқа созылды.

Бұған дейін 1/8 финалда Жиенбаева мен Бродус Мартина Окалова (Словакия) — Майя Айенгар (АҚШ) дуэтін 6:4, 6:0 есебімен айқын басымдықпен ұтқан еді.

Финалға жолдама үшін олар турнирдің бірінші нөмірлі жұбы — Эрин Кайетано мен Хэйли Джиавараға қарсы ойнайды.

Аркадиядағы жарыстың жүлде қоры 30 мың АҚШ долларын (шамамен 15 млн теңге) құрайды.

Біздің серіктес: «Ойна, болжа, қатыс!»