Андреева беделді турнирмен қоштасты

Мирра Андреева АҚШ-та өтіп жатқан Indian Wells Open турнирінің үшінші айналымында күтпеген жерден жеңіліп қалды.

Әлемдік рейтингте сегізінші орында тұрған ресейлік теннисші чехиялық Катерина Синяковамен (44-орын) кездесті. Мамандар бұл матчта Андрееваны айқын фаворит санағанымен, ол тартысты өткен ойында 6:4, 6:7 (5:7), 3:6 есебімен жеңіліс тапты. Кездесу 2 сағат 54 минутқа созылды.

Осылайша, Мирра Андреева беделді турнирдегі жарыс жолын аяқтады. Ал Катерина Синякова 1/8 финалға шығып, келесі кезеңде украиналық Элина Свитолинамен (9-орын) кездеседі.

Айта кетейік, бүгін бұл турнирде Қазақстанның бірінші ракеткасы Елена Рыбакина (3-орын) да кезекті матчын өткізеді. Ол үшінші айналымда украиналық Марта Костюкпен (28-орын) ойнайды.

Біздің серіктес: «Ойна, болжа, қатыс!»