Miami Open-2026: Рыбакина Костюкпен кездеседі

Қазақстандық теннисші Елена Рыбакина (WTA рейтингінде 2-орын) Miami Open-2026 турнирінің үшінші раундында украиналық Марта Костюкпен (28) күш сынасады.

Матч 22 наурыздан 23 наурызға қараған түні өтеді. Қазақстан уақытымен ойын сағат 00:00-де басталып, тікелей эфирде көрсетіледі. 1XBET букмекерлік кеңсесі матч фавориты ретінде Рыбакинаға сенім білдіріп отыр.

Еске сала кетейік, Рыбакина турнирді өз отандасы Юлия Путинцеваны 6:3, 6:3 есебімен жеңіп бастады. Ал Костюк алғашқы айналымда Өзбекстан теннисшісі Камилла Рахимованы 6:2, 6:4 есебімен жеңген.

2026 жылғы Miami Open жалпы сыйақы қоры 9 415 725 долларды құрайды. Жеңімпаз 1 151 380 доллар және 1000 рейтинг ұпайын алады.

Біздің серіктес: «Ойна, болжа, қатыс!»