26.06.2023
«Қайсарға» трансферлік тыйым салынды
Қайсар ФК
ФИФА «Қайсар» футбол клубын ресейлік футболшыға 36 миллион теңге төлеуге міндеттеді, деп хабарлайды «Серый CARDINAL» телеграм-арнасы.
«Клубқа трансферлік тыйым салынды.
Қызылордалықтар бұрынғы басшылардың былығын жабуды жалғастыруда. Бұл жолы клуб ресейлік Алексей Шумскийге қарыз болып қалды. Қорғаушы коронавирустық пандемия кезінде «қасқырлар» сапында ойнады. Бірақ олар футболшымен еш ойланбастан қоштаса салды. Енді қазіргі басшылық былықты тазалауы керек.
Десе де, директор Садық Мұстафаев бұл мәселе ұжымның мүддесіне сай екенін, тез арада шешімін табады деп сендіреді. Негізгі трансферлік мақсат – гол соғатын орталық шабуылшы алу», - деп хабарлады ресурс.
