20.05.2024
Қазақстандық жас теннисшілер Италиядағы турнирде чемпион атанды
![Қазақстандық жас теннисшілер Италиядағы турнирде чемпион атанды](https://sport12.kz/static/images/news/c911f8223c561d111b8553092c2f47e1.jpg?cbc2926e0fb049198b53c5650d1763f0)
Қазақстандықтар Соня Жиенбаева мен Асылжан Арыстанбекова жұптық сында Италияның Санта-Кроче қаласында өткен ITF Juniors J300 турнирінде жеңімпаз атанды.
Қазақстандық қыздар финалда италиялықтар Базилетти – Мадуззиді 6:1, 6:4 есебімен тізе бүктірді.
Бұл – Соня мен Асылжанның бірге жеңіп алған екінші титулы. Ақпанда қазақстандық дуэт Каирда бірінші санаттағы жарыста үздік шыққан еді.
Жекелей сында Соня Жиенбаева финалға дейін жетіп, онда украиналық Елизавета Котлярға жол берді – 3:6, 2:6.
Италияда сәтті өнер көрсетуі нәтижесінде Соня жасөспірімдер арасында әлемдік рейтингіде рекордтық 22-орынға көтеріледі.
![](https://sport12.kz/static/images/banners/84941767ae2492f344cc0a89bcdfbb5a.jpg?8f8f7f23bde34b3694225517aa65eeaf)