29.05.2024
Александр Бублик Ролан Гаррос турнирінің келесі айналымына шықты
![Александр Бублик Ролан Гаррос турнирінің келесі айналымына шықты](https://sport12.kz/static/images/news/583ee062c815d7f0fdd28a2354b4a18d.jpg?32e72afb1e441e4b2179afabd81fd844)
Қазақстанның бірінші, әлемнің 17-ракеткасы Александр Бублик Парижде өтіп жатқан Ролан Гаррос турнирінің екінші айналымына шықты.
Қазақстандық теннисші алғашқы айналымда дүниежүзілік рейтингіде 112-орында тұрған франциялық Грегуар Баррермен бетпе-бет келді.
Бублик 6:4, 7:5, 6:3 есебімен үш сетте жеңіске жетті.
Екі сағат 15 минутқа созылған бәсеке барысында ол 11 эйспен бірге 16 брейк-пойнттың жетеуін пайдаланды.
Баррер 2 эйс, 4 брейкпен (13 брейк-пойнт) көзге түсті.
Александр Бубликтің келесі қарсыласы — әлемнің 41-ракеткасы, германиялық Ян-Леннард Штруфф.
Ол бастапқы кездесуінде рейтингіде 144-сатыдағы аргентиналық Роман Андрес Бурручагадан айласын асырды — 6:3, 6:2, 6:1.
![](https://sport12.kz/static/images/banners/84941767ae2492f344cc0a89bcdfbb5a.jpg?8f8f7f23bde34b3694225517aa65eeaf)