Almaty Open ATP 250 турниріне алғашқы қатысушылар келді

Almaty Open ATP 250 турниріне дайындық аяқталып келеді. Қазақстанның оңтүстік астанасына Қытайдағы жарыстардан кейін қатысушылар келе бастады.

Жаңа кортты алғашқылар болып қазақстандықтар, Қазақстан құрамасы сапында Дэвис кубогында 50 матч өткізген Михаил Кукушкин, сондай-ақ жуырда еліміздің ересектер құрамасында алғаш рет ойнаған Бейбіт Жұқаев байқап көрді.

Таяу күндері турнирге Фрэнсис Тиафо (17 ATP), Себастьян Корда (19 ATP), Алехандро Табило (23 ATP), Карен Хачанов (25 ATP) және басқалар келмекші.

Өкінішке қарай, денсаулығына және алған жарақаттарына байланысты Almaty Open ATP 250 турнирінде франциялық Артур Фис, италиялық Флавио Каболли және қазақстандық Александр Бублик өнер көрсете алмайды.