Анна Данилина Дохадағы турнирдің ширек финалына шықты

Қазақстандық теннисші Анна Данилина Қатар астанасы Дохада өтіп жатқан WTA 1000 турнирінің үшінші айналымына сүрінбей өтті.

Жұптық сында ресейлік Ирина Хромачёвамен бірге бақ сынаған отандасымыз жарыстың 1/8 финалында Сюка Аояма/Эри Ходзуми жұбын тізе бүктірді.

Кездесу 1 сағат 47 минутқа созылды. Нәтижесінде ойын 2:1 (4:6; 6:4; 6:10) есебімен Данилина бастаған ұжымның пайдасына аяқталды.

Енді ширек финалда Анна мен Ирина Мирра Андреева/Диана Шнайдер жұбына қарсы матч өткізеді. Аталған матч бүгін, 13 ақпан сағат 19:00-ге жоспарланған.

Осыған дейін Данилина/Хромачёва жұбы Қытайдың Ухань қаласында өткен WTA 1000 додасында топ жарған болатын.

Айта кетейік, дүбірлі доданың жалпы жүлде қоры 3 664 963 долларды құрайды.