17 сағат бұрын
Зарина Дияс Румыниядағы доданы сенімді жеңіспен бастады
Азамат Бақи
Фото: Shi Tang/Getty Images
Қазақстандық теннисші Зарина Дияс Румынияның Тыргу-Муреш қаласында өтіп жатқан Intaro Elite Cup W75 турниріндегі алғашқы жеңісіне қол жеткізді.
Жарыстың 1/16 финалында Зарина Дияс (WTA: 334) чехиялық теннисші Анета Лабуткованы (WTA: 645) тізе бүктірді.
Қос теннисші арасындағы кездесу 1 сағат 21 минутқа созылды. Нәтижесінде отандасымыз қарсыласынан 2:0 (6:2; 6:4) есебімен басым түсті.
Енді Зарина келесі кезеңде украиналық Дариа Снигур (WTA: 128) мен италиялық Камилла Розателло (WTA: 331) матчының жеңімпазымен ширек финал жолдамасын сарапқа салады.
Айта кетейік, дүбірлі доданың жалпы жүлде қоры 60 мың долларды құрайды.
