10 сағат бұрын
Михаил Кукушкин Челленджер турниріне жолдама алды
Азамат Бақи
Фото: Cameron Spencer/Getty Images
Қазақстандық теннисші Михаил Кукушкин АҚШ-тың Финикс қаласында өтіп жатқан Челленджер турниріне іріктеу кезеңінде жеңімпаз атанды.
Доданың негізгі кезеңіне берілетін жолдама сарапқа салынған матчта Михаил Кукушкин (АТР: 166) словениялық теннисші Бор Артнакты (АТР: 458) тізе бүктірді.
Қос теннисші арасындағы кездесу 2 сағат 34 минутқа созылды. Нәтижесінде отандасымыз қарсыласынан 2:1 (4:6; 6:4; 6:2) есебімен басым түсті.
Енді Кукушкин жалпы жүлде қоры 250 мың долларды құрайтын жарыстың негізгі кезеңінде бақ сынап көреді.
