Алматыда үстел теннисінен Қазақстан чемпионаты басталады

Алматыда 17-23 наурызда үстел теннисінен Қазақстан Республикасының чемпионаты өтеді.

Қазақстан үстел теннисі федерациясының хабарлауынша, онда спортшылар командалық, жеке, жұптық және аралас разрядта (микст) сынға түседі.

Қатысушылар арасында халықаралық дәрежедегі спорт шеберлері - Кирилл Герасименко (Астана), Алан Құрманғалиев (Қарағанды облысы), Сарвиноз Миркадирова (Алматы), Айдос Кенжегұлов (Алматы), Зауреш Ақашева (Қарағанды облысы) бар.

Сондай-ақ ел біріншілігінде Анель Бақыт (Алматы), Ирисбек Артукметов (Шымкент), сондай-ақ ҚР ұлттық құрама командасының мүшелері, Әлем және Азия чемпионаттарының қатысушылары Санжар Жұбанов (Алматы), Искендер Харки (Жамбыл облысы), Ангелина Романовская (Павлодар облысы) сайысқа түседі.