4 күн бұрын
Дмитрий Попко Мексикадағы турнирдің жартылай финал жолдамасына таласады
Азамат Бақи
Қазақстандық теннисші Дмитрий Попко Мексиканың Морелия қаласында өтіп жатқан ATP Challenger турнирінің ширек финалына шықты.
Жарыстың 1/8 финалында Дмитрий Попко (АТР: 245) француз теннисшісі Адриан Маннариноны (АТР: 145) тізе бүктірді.
Қос теннисші кортта 1 сағат 11 минут уақыт өткізді. Нәтижесінде отандасымыз қарсыласынан 2:0 (6:2; 6:3) есебімен басым түсті.
Енді Попко келесі кезеңде жартылай финал жолдамасын аргентиналық теннисшісі Тьяго Тирантемен (АТР: 117) сарапқа салады. Аталған кездесу ертең, 29 наурыз сағат 00:00-ге жоспарланған.
Айта кетейік, дүбірлі доданың жалпы жүлде қоры 200 мың долларды құрайды.
