3 күн бұрын
Бейбіт Жұқаев Мексикадағы турнирдің жартылай финалына шықты
Азамат Бақи
Фото: Ұлттық олимпиадалық комитет
Қазақстандық теннисші Бейбіт Жұқаев Мексиканың Морелия қаласында өтіп жатқан ATP Challenger турнирінің жартылай финалына жолдама алды.
Жарыстың 1/4 финалында Бейбіт Жұқаев (АТР: 215) швейцариялық теннисші Марк-Андреа Хуслерді (АТР: 172) қапы қалдырды.
Қос теннисші арасынлағы кездесу 2 сағат 12 минутқа созылды. Нәтижесінде отандасымыз қарсыласынан 2:1 (6:3; 6:7; 6:4) есебімен басым түсті.
Енді Жұқаев ақтық матч жолдамасын аустралиялық теннисші Джеймс Даквортпен (АТР: 95) сарапқа салады. Аталған кездесу бүгін, 29 наурыз сағат 21:00-ге жоспарланған.
Айта кетейік, дүбірлі доданың жалпы жүлде қоры 200 мың долларды құрайды.
