4 күн бұрын
Елена Рыбакина: Қазақстан намысын қорғау – мен үшін зор мәртебе
Азамат Бақи
Фото: Қазақстан теннис федерациясы
Теннистен Қазақстанның бірінші ракеткасы Елена Рыбакина еліміздің атынан сынға түсуді мақтан тұтатынын айтты.
Бұл туралы ол «Tennis Insider Club» Youtube-арнасына берген сұхбатында сөз қозғады.
— Қазақстанда теннис спорты соншалықты танымал емес. Алайда, Уимблдон-2022 турниріндегі жеңісімнен кейін жағдай айтарлықтай өзгерді. Ел жұртшылығының бұл спортқа қызығушылығы арта түсті. Мен қазақ халқының үлкен қолдауын сезіндім. Қазақстан намысын қорғау – мен үшін үлкен мәртебе,— деді Елена Рыбакина.
Айта кетейік, Елена Рыбакина – әлемнің оныншы ракеткасы. Ресей астанасы Мәскеу қаласының тумасы 2018 жылы Қазақстанның азаматтығын алып, Уимблдон-2022 турнирінде жеңімпаз атанған болатын.
