04.04.2025
Қазақстандық жас теннисшілері әлем чемпионатының іріктеуінің ширек финалына шықты
Фото: Қазақстан теннис федерациясы
Қазақстан құрамасы 14 жасқа дейінгі әлем чемпионатының іріктеуінің ширек финалына жолдама алды.
Бұл жөнінде Қазақстан теннис федерациясы мәлім етті.
Кучингте (Малайзия) жасөспірімдер арасындағы әлем чемпионатының Азия/Океания аймағындағы іріктеу кезеңінің топтық кезеңі аяқталды.
Қазақстандық теннисшілер D тобында Өзбекстан (3:0) және Иранды (3:0) сенімді түрде жеңіп, бүгін әлемнің ең мықты құрамаларының бірі – Австралияны 2:1 есебімен ұтты.
Марат Шариповтың шәкірттері топтан бірінші орынмен шығып, 5 сәуірде ширек финалда Оңтүстік Кореямен кездеседі.
Біздің серіктес: 200 000 фрибетті ұтысқа саламыз – арнаға жазыл және батырманы бас
