1 күн бұрын
Билли Джин Кинг кубогы: Қазақстан құрамасының қарсыластары анықталды
Азамат Бақи
Фото: Қазақстан теннис федерациясы
Қытайдың Шэнчжень қаласында өтетін Билли Джин Кинг кубогының негізгі кезеңіне жолдама алған барлық 8 құрама белгілі болды.
Командалық Әлем чемпионатына Қазақстанмен бірге Қытай (жарыс қожайыны), Италия (қазіргі чемпиондар), Жапония, Испания, АҚШ, Украина және Ұлыбритания құрамалары қатысады.
Дүбірлі доданың жеребе тарту рәсімі 12 мамыр күні өтеді. Соқыр жеребе нәтижесінде, 8 құрама екі топқа бөлініп, үздік 4 команда жартылай финалға жолдама алады. Осы кезеңдерден мүдірмей өткен қос мықты ұжым Билли Джин Кинг кубогын сарапқа салады.
Айта кетейік, әлемнің үздік теннисшілері бас қосатын байрақты бәсеке 16-21 қыркүйек аралығында өтеді.
