6 сағат бұрын
Александр Бублик Германиядағы турнирдің алғашқы айналымынан аса алмады
Азамат Бақи
Фото: Alexander Hassenstein/Getty Images for BMW
Қазақстанның нөмірі бірінші ракеткасы Александр Бублик Германияның Мюнхен қаласында өтіп жатқан ATP 500 турнирінде жеңіліс тапты.
Жарыстағы алғашқы матчында Александр Бублик (АТР: 78) бельгиялық теннисші Зизу Бергске (АТР: 50) жол берді.
Қос теннисші арасындағы кездесу 2 сағат 23 минутқа созылды. Осы уақыт ішінде Бублик 12 эйс пен 2 брейк жасап, 9 мәрте қос қателікке бой алдырды. Нәтижесінде отандасымыз қарсыласына 1:2 (7:6; 4:6; 5:7) есебімен есе жіберді.
Айта кетейік, дүбірлі доданың жалпы жүлде қоры 2,5 миллион еуроны құрайды.
