2 күн бұрын
Жібек Құламбаева Испаниядағы турнирдің ширек финалына шықты
Азамат Бақи
Фото: Kenta Harada/Getty Images
Қазақстандық теннисші Жібек Құламбаева Испания астанасы Мадрид қаласында өтіп жатқан ITF W1000 сериясын жеңіспен бастады.
Жұптық сында италиялық Николь Фосса Уэргомен бірге бақ сынаған Жібек Құламбаева жарыстың алғашқы айналымында Тена Лукаш (Хорватия)/Андрея Присакариу (Румыния) тандемін тізе бүктірді.
Кездесу тура 1 сағатқа созылды. Нәтижесінде отандасымыз бастаған ұжым қарсыласынан 2:0 (6:1; 6:4) есебімен басым түсті.
Енді Жібек пен Николь ширек финалда Элени Христофи (Грекия)/Элизабет Мандлик (АҚШ) жұбына қарсы матч өткізеді.
