8 сағат бұрын
Жібек Құламбаева Испаниядағы турнирдің финалына шықты
Азамат Бақи
Фото: Ұлттық олимпиадалық комитет
Қазақстандық теннисші Жібек Құламбаева Испания астанасы Мадрид қаласында өтіп жатқан ITF W1000 сериясының финалына жолдама алды.
Жұптық сында италиялық Николь Фосса Уэргомен бірге бақ сынаған Жібек Құламбаева жарыстың үшінші айналымында Иннес Иббоу (Алжир)/Бибиана Схоофс (Нидерланд тандемін тізе бүктірді.
Кездесу 1 сағат 2 минутқа созылды. Нәтижесінде отандасымыз бастаған ұжым қарсыласынан 2:0 (6:2; 6:3) есебімен басым түсті.
Енді Жібек пен Николь ақтық матчта жергікті теннисшілерден құралған Марина Бассольс/Андреа Лазаро Гарсия жұбымен чемпиондықты сарапқа салады.
Финалдық ойын бүгін 19 сәуір, сағат 17:00-ге жоспарланған.
