6 сағат бұрын
Денис Евсеев Португалиядағы турнирдің негізгі кезеңіне шыға алмады
Азамат Бақи
Фото: Андрей Ударцев/Қазақстан теннис федерациясы
Қазақстандық теннисші Денис Евсеев Португалияның Эшторил қаласында өтіп жатқан Millennium Estoril Open ATP Challenger турнирінің іріктеу кезеңінен әрі аса алмады, деп хабарлайды Sport12.kz.
Іріктеудегі шешуші ойында Денис (АТР: 258) италиялық Джованни Фониоға (АТР: 372) жол берді.
Грунт төсенішінде өткен қос теннисші арасындағы кездесу 1 сағат 10 минутқа созылды. Осы уақыт ішінде Евсеев 2 эйс пен 1 брейк жасап, қос қателікке еш бой алдырмады. Алайда матч нәтижесінде отандасымыз қарсыласына 0:2 (3:6; 3:6) есебімен есе жіберді.
Айта кетейік, дүбірлі доданың жалпы жүлде қоры 227 мың еуроны құрайды.
