Денис Евсеев Португалиядағы турнирдің екінші айналымына шықты

Қазақстандық теннисші Денис Евсеев Португалияның Эшторил қаласында өтіп жатқан Millennium Estoril Open ATP Challenger турнирін жеңіспен бастады, деп хабарлайды Sport12.kz.

Жарыстың 1/16 финалында Евсеев (АТР: 258) бельгиялық теннисші Киммер Коппеянсты (АТР: 280) тізе бүктірді.

Грунт төсенішіндегі кортта өткен кездесу 1 сағат 24 минутқа созылды. Осы уақыт ішінде Евсеев 2 эйс пен 4 брейк жасап, 1 мәрте қос қателікке жол берді. Нәтижесінде отандасымыз қарсыласынан 2:0 (6:2; 6:4) есебімен басым түсті.

Енді Денис келесі кезеңде сербиялық Миомир Кецмановичпен (АТР: 47) германиялық Ян-Леннард Штруфф арасындағы матчтың жеңімпазымен ширек финал жолдамасын сарапқа салады.

Айта кетейік, дүбірлі доданың жалпы жүлде қоры 227 мың еуроны құрайды.