3 сағат бұрын
Чемпиондық камбэк: Жібек Құламбаева Германиядағы турнирдің жеңімпазы атанды
Азамат Бақи
Фото: Ұлттық олимпиадалық комитет
Қазақстандық теннисші Жібек Құламбаева Германияның Висбаден қаласында өткен ITF W1000 турнирінде топ жарды, деп хабарлайды Sport12.kz.
Жұптық сында латвиялық Дарья Семенистаямен бірге бақ сынаған Жібек жарыс барысында қарсылас шақ келтірмей, финалдық матчта чехиялық теннисшілерден құралған Джесика Малечкова/Мириам Скоч тандемін тізе бүктірді.
Грунт төсенішіндегі кортта өткен шешуші кездесу 1 сағат 37 минутқа созылды. Алғашқы сетте (4:6) жеңілгеніне қарамастан отандасымыз бастаған ұжым екінші (6:3) мен үшінші сетті (11:9) өз пайдасына жазып, қарсыласын сан соқтырды. Осылайша Жібек пен Дарья айтулы доданың чемпионы атанды.
Бұл 25 жастағы Құламбаеваның мансабындағы 39-шы титулы. Осыған дейін ITF санатындағы жұптық турнирде 33 рет чемпион атанса, жекелей сында 5 мәрте жеңіс тұғырының ең биік сатысынан көрінген.
