Қазақстандық теннисші Италиядағы  жарыстың финалына шықты

Қазақстанның екінші ракеткасы Александр Шевченко Италия астанасы Рим қаласында өтетін Internazionali BNL d'Italia ATP Masters 1000 додасына іріктеу турнирінің финалына шықты, деп хабарлайды Sport12.kz.

Іріктеудегі алғашқы кездесуінде Шевченко (АТР: 97) аргентиналық Хуан Пабло Фиковичті (АТР: 152) тізе бүктірді.

Грунт төсеншіндегі кортта өткен қос теннисші арасындағы кездесу 1 сағат 42 минутқа созылды. Осы уақыт ішінде Шевченко 2 эйс пен 4 брейк жасап, қос қателікке еш бой алдырмады. Ойын нәтижесінде отандасымыз қарсыласынан 2:0 (6:4; 6:4) есебімен басым түсті.

Енді Шевченко турнирдің негізгі кезеңіне шығу үшін венгриялық Мартон Фучовичпен (АТР: 134) күш сынасады.

Айта кетейік, 7-18 мамыр аралығында өтетін байрақты бәсекенің жалпы жүлде қоры 8 055 385 еуроны құрайды.