Юлия Путинцеваның беделді турнирдегі қарсыласы анықталды

Қазақстанның екінші ракеткасы Юлия Путинцеван Италия астанасы Римде өтетін Internazionali BNL d'Italia WTA 1000 турниріндегі алғашқы қарсыласын білді, деп хабарлайды Sport12.kz.

Жарысты екінші айналымнан бастайтын Путинцева (WTA: 29) Рим кортындағы алғашқы ойында румыниялық Жакли Кристианмен (WTA: 74) шеберлік байқасады.

Жакли осыған дейін америкалық Алисия Парксті (WTA: 51) 2:0 (6:2; 6:0) есебімен тізе бүктірген еді.

Бұл қос теннисші арасындағы екінші кездесу болмақ. Осыған дейін Словенияның Порторож қаласында өткен WTA 1000 турнирінде отандасымыз қарсыласынан 2:0 (6:4; 6:4) есебімен басым түскен.

Айта кетейік, ашық чемпионат 6-18 мамыр аралығында өтеді. Жарыс жеңімпазы 877 390 еуро мен 1000 рейтингтік ұпайға ие болады.

Біздің серіктес: 200 000 фрибетті ұтысқа саламыз – арнаға жазыл және батырманы бас