Қазақстанның бірінші ракеткасы Италиядағы турнирді жеңіспен бастады

Қазақстандық теннисші Александр Бублик Италия астанасы Римде өтіп жатқан Internazionali BNL d'Italia ATP Masters 1000 турниріндегі алғашқы жеңісіне қол жеткізді, деп хабарлайды Sport12.kz.

Жарыстың 1/64 финалында Бублик (АТР: 76) әлемдік рейтингте қатар тұрған ресейлік теннисші Роман Сафиуллинді (АТР: 77) қапы қалдырды.

Грунт төсенішіндегі кортта өткен кездесу 1 сағат 38 минутқа жалғасты. Осы уақыт ішінде 6 эйс пен 3 брейк рәсімдеп, 3 мәрте қос қателік жасады. Матч нәтижесінде отандасымыз қарсыласынан 2:0 (6:3; 7:6) есебімен басым түсті.

Енді Бублик келесі кезеңде Мадридтегі турнирдің чемпионы норвегиялық Каспер Руудпен (АТР: 7) күш сынасады.

Айта кетейік, дүбірлі доданың жалпы жүлде қоры 8 055 385 еуроны құрайды. Ал Бублик екінші айналымға іркілмей өткені үшін 30 рейтингтік ұпай мен 30 895 еуроға ие болды.