Александр Шевченко Франциядағы турнирдің екінші айналымына шықты

Қазақстанның екінші ракеткасы Александр Шевченко Францияның Бордо қаласында өтіп жатқан BNP Paribas Primrose Bordeaux ATP Challenger 175 турнирін жеңіспен бастады, деп хабарлайды Sport12.kz.

Жарыстың 1/16 финалында Шевченко (АТР: 97) жергілікті Уго Греньені (АТР: 172) қапы қалдырды.

Грунт төсенішіндегі кортта өткен кездесу 1 сағат 46 минутқа ұласты. Осы уақыт ішінде Шевченко 3 эйс пен 3 брейк рәсімдеп, 2 мәрте қос қателікке бой алдырды. Нәтижесінде отандасымыз қарсыласынан 2:0 (7:6; 6:1) есебімен басым түсті.

Енді Шевченко келесі кезеңде америкалық Александр Ковачевич (АТР: 80) пен Франция өкілі Кальвин Эмери (АТР: 176) арасында өтетін матчтың жеңімпазымен ширек финал жолдамасын сарапқа салады.

Айта кетейік, дүбірлі доданың жалпы жүлде қоры 227 270 еуроны құрайды.