Қазақстанның бірінші ракеткасы Италиядағы турнирде камбэк жасады

Қазақстанның бірінші ракеикасы Александр Бублик Италияның Турин қаласында өтіп жатқан Piemonte Open Intesa Sanpaolo ATP Challenger 175 турнирінің үшінші айналымына шықты, деп хабарлайды Sport12.kz.

Жарыстың 1/8 финалында Бублик (АТР: 76) жергілікті Федерико Арнабольдиді (АТР: 194) тізе бүктірді.

Грунт төсенішіндегі кортта өткен кездесу 1 сағат 37 минутқа созылды. Осы уақыт ішінде Бублик 9 эйс пен 3 брейк жасап, 3 мәрте қос қателікке бой алдырды. Нәтижесінде отандасымыз қарсыласынан 2:1 (0:6; 6:3;  6:3) есебімен басым түсті.

Енді еліміздің үздік теннисшісі ширек финалда аргентиналық Томас Мартин Этчеверримен (АТР: 51) күш сынасады.

Айта кетейік, 18 мамырға дейін жалғасатын дүбірлі доданың жалпы жүлде қоры 227 270 еуроны құрайды.