Алихан Аскербай жасөспірімдер Азиадасында алты рекорд орнатып, қос алтын жеңіп алды

Бахрейннің Манама қаласында өткен 2025 жылғы жасөспірімдер Азиат ойындарында қазақстандық ауыр атлет Алихан Аскербай тамаша нәтиже көрсетті. Ол екі алтын медаль жеңіп алып, бірден алты рекорд орнатты.

71 келіге дейінгі салмақ дәрежесінде сынға түскен Аскербай «рывок» жаттығуында 144 келіні көтеріп, өзінің алдыңғы нәтижесін жаңартты. Бұл көрсеткіш жасөспірімдер арасындағы әлем, Азия және Азиада рекордтары ретінде тіркелді.

«Толчок» сайысында да Алихан қарсыластарына еш мүмкіндік берген жоқ. Ол 172 келіні көтеріп, тағы үш рекорд орнатты.

Осылайша, спортшы барлығы алты рекорд жаңартып, Қазақстан ауыр атлетикасы тарихында ерекше жетістікке жетті.

Күміс жүлдені Қытай спортшысы Чен Синьсин (171 кг), ал қола медальді Оңтүстік Корея өкілі Ха Джун Ким (167 кг) иеленді.

Алихан Аскербайдың бұл жетістігі ел спорты үшін зор мақтаныш болды.

Біздің серіктес: 200 000 фрибетті ұтысқа саламыз – арнаға жазыл және батырманы бас