Қазақ спортшылары Азия ойындарында қанша медальді қанжыға салды?

Бахрейнде өтіп жатқан үшінші Жасөспірімдер арасындағы Азия ойындары 26 түрлі спорт түрін қамтиды. Он күндік сайыс қорытындысы бойынша қазақстандық спортшылардың қанша медаль иеленгені белгілі болды.

Жарыстың жабылуына үш күн қалғанда Қазақстан құрамасы жалпыкомандалық есепте төртінші орында тұр. Ел қоржынында 12 алтын, 15 күміс және 23 қола медаль бар. Барлығы – 50 жүлде. Жалпы медаль саны бойынша бұл – екінші орын.

Халықаралық олимпиадалық комитет ережесіне сәйкес, рейтинг алдымен алтын медаль санына қарай есептеледі. Осыған байланысты Қазақстан 13 алтын иеленген Таиландтан аздап қалып отыр, бірақ жалпы жүлде саны бойынша алда.

Ең көп медальды Қытай спортшылары жеңіп алды — 48 алтын, 35 күміс және 18 қола. Ойындар 31 қазанға дейін жалғасады.

Сонымен қатар, қазақстандық ауыр атлет Ксения Прозорова екі медаль жеңіп алып, ел қоржынын толықтырды.

Біздің серіктес: 200 000 фрибетті ұтысқа саламыз – арнаға жазыл және батырманы бас