11.03.2023
Шорт-тректен ӘЧ: Денис Никиша жартылай финалға өтті
Денис Никиша
Сеулде (Оңтүстік Корея) ерлер арасында шорт-тректен 500 метр қашықтықта әлем чемпионатының ширек финалдық жарысы өтті.
Қазақстандық Денис Никиша өз тобында екінші орын алып, жартылай финалға өтті.
Сондай-ақ бүгін қазақстандық Яна Хан осы қашықтықта өнер көрсетті. Ол жартылай финалда бесінші орын алып, турнирден шығып қалды.
Ерлер арасында 1500 м қашықтықта Нұртілек Қажығали да жартылай финалдан өте алмады.
