Қысқы Азиада: Бүгін кімдер сынға түседі?

Бүгін, 5 ақпанда, Қытайдың Харбин қаласында Азия ойындарында қазақстандық спортшылар керлинг және шайбалы хоккейден сынға түседі.

Дүбірлі доданың салтанатты ашылуы 7 ақпанға жоспарланған. Соған қарамастан Қазақстан құрамасы кейбір командалық спорт түрінен жарысты 3 ақпаннан бастап кеткен еді.

Назарларыңызға Қазақстан құрамасының бүгінгі жарыс кестесін ұсынамыз.

Керлинг (аралас жұп). Топтық кезең:

07:00. Қазақстан — Қатар

15:00. Қазақстан — Оңтүстік Корея

Хоккей (ерлер). Топтық кезең:

17:00. Қазақстан — Қытай

Аталған бәсекелерді Qazsport арнасынан тікелей эфирде тамашалай аласыздар.

Айта кетейік, сары құрлықтың басты қысқы додасы 7-14 ақпан аралығында Қытайдың Харбин қаласында өтеді.